A Baña é un municipio que se encontra ao oeste de Santiago de Compostela. Abarca 98,2 quilómetros cadrados de extensión, e limita ao norte co concello de Santa Comba e Val do Dubra, polo este con Val do Dubra e Ames, ao sur con Ames e Negreira, e polo oeste con Negreira e Santa Comba. A capital do Concello, San Vicenzo, está situado a uns trinta quilómetros da capital de Galicia. Xunto con Negreira forma a comarca do Val de Barcala. Está constituída por 15 parroquias: A Baña (San Vicenzo), Barcala ( San Xoán), O Barro (Santa Mariña), Cabanas (San Miguel), Corneira (San Cristovo), A Ermida (San Salvador), Fiopáns (San Pedro), Lañas (Santa Baia), Marcelle (Santa Cristina), Monte (San Mamede), Ordoeste (Santa María), A Riba (San Xoán), San Cibrán (San Cibrán), Suevos (San Mamede) e Troitosende (Santa María).

A Baña, latexo do Val de Barcala

O seu relevo está caracterizado pola súa irregularidade, contrastando os vales con pequenos montes de escasa altitude. Na Baña non existen grandes elevacións de terreo, non chegando a superarse os 550 metros. O punto máis alto do concello é o cumio de Santa Mariña, con 522 metros de altura sobre o nivel do mar. Podemos dividir xeográficamente o municipio en tres vales: o formado polo río Barcala, que lle da nome á nosa comarca, e que discorre pola zona máis occidental do concello. O val central é o que crean os río Baña, o río de Suevos e o río Albariña, que xurde da unión de ambos en San Vicenzo, e encontrandose as súas augas co río Barcala en Covas. E máis ao este encontramonos co val que labrou o río Portalaxe, que nace e morre sen deixar o concello, desembocando no río Tambre, que augas abaixo recolle as do río Barcala. Ao norte temos o río Abuín, que nalgúns treitos marca o límite municipal con Santa Comba. En canto ao clima este é de tipo oceánico, templado e húmedo, con moderación nas temperaturas (8 grados en inverno e os 18 en verán de media) e uns índices de precipitacións anuais que se acercan aos 2.000 milímetros. Isto favorece o desenvolvemento dunha vexetación moi variada e o cultivo agrícola: verduras e hortalizas, patacas, millo, forraxes...

---

Máis abaixo publicaremos todos os datos que expliquen cómo está sendo a evolución de diversos parámetros e estadísticas do noso municipio ao longo dos anos.

O noso municipio necesita fortalecer o tecido empresarial e darlle un impulso á economía local. Debemos empregar todos os nosos esforzos para reducir o número de desempregad@s e se fora posible, que fose traballando no seu propio concello, no lugar onde vive.

Apartado dedicado a todo o referido co goberno e a administración do concello: desde as eleccións ata o saneamento municipal, pasando por orzamentos, subvencións ou contratacións.